Турската актерка Небахат Чехре (82), која гледачите најмногу ја паметат по впечатливата улога на Валиде султан во мегапопуларната серија „Сулејман Величествениот“, повторно се најде во центарот на вниманието благодарение на фотографија во костим за капење.
Иако е во деветтата деценија од животот, славната актерка привлекува внимание со својата витка линија и младешки изглед.
Чехре на социјалните мрежи сподели фотографија од летувањето, на која позира во едноделен костим за капење, што предизвика лавина позитивни коментари.
„Најпрво, грижи се добро за себе. Сѐ друго ќе процвета природно“, напиша таа во описот на фотографијата.
Турските медиуми се едногласни во оцената дека Чехре им пркоси на годините, а многумина сметаат дека поставува нови стандарди за убавина во третото доба.
Небахат кариерата ја започнала како манекенка, а на пошироката јавност ѝ станала позната уште во 1960 година, кога била прогласена за Мис на Турција. Тој успех ѝ ги отворил вратите кон филмската индустрија, по што остварила бројни улоги во златната ера на турската кинематографија. Сепак, меѓународната слава и новиот подем во кариерата ги доживеала во зрелите години, благодарение на телевизиските проекти, пишува Кликс.ба.
„Не се плашам од стареењето, сакам убаво да ги проживеам своите години“, изјавила таа, нагласувајќи дека не му пркоси на времето.
„Јас не пркосам на ништо, едноставно живеам здраво и го почитувам своето тело.“
View this post on Instagram
