Македонската пејачка Соња Тарчуловска се соочува со огромна загуба. По кратко боледување, почина нејзиниот татко, само неколку месеци откако семејството се збогуваше и со нејзината мајка.
Скршена од болка, Соња се огласи на социјалните мрежи каде што сподели емотивна порака и последен поздрав до својот родител, истакнувајќи ја големата и нераскинлива љубов меѓу нејзините татко и мајка.
„Тато… Замина кај мама. Не можеше да издржиш без неа. Вашата љубов беше посилна и од времето, и од далечината. Сега повторно сте заедно, таму каде што нема болка, нема солзи и нема разделби. А мене ми остануваат спомените, вашата љубов и празнината“, напиша естрадната уметничка во дел од својата потресна објава.
View this post on Instagram
Таа јавно им се заблагодари на своите родители за сè што направиле за неа, за нивната бескрајна пожртвуваност и за тоа што ја научиле што значи вистинско семејство, особено во најтешките животни моменти.
„Почивај во мир, тато. Прегрни ја мама и кажи ѝ дека ми недостига исто како и ти. Ќе ве носам двајцата во моето срце додека дишам. Со бескрајна љубов, твојата ќерка Соња“, стои во емотивната порака која расплака многумина нејзини колеги и пријатели, кои веднаш упатија сочувство во коментарите.
Редакцијата изразува длабоко сочувство до Соња Тарчуловска и нејзиното семејство.
