Поранешниот претседател рече дека во САД „нема повеќе слобода на изразување“. Потоа упати нов напад врз Бајден: „Станавме просјачка земја“. На крајот, тој се присети како сакал да си самододели Медал на честа.
Доналд Трамп сè уште не го кажал тоа јасно, но навести дека ќе се кандидира за претседателските избори во 2024 година.
„Тие не сакаат да се кандидирам – рече тој на студентскиот самит – затоа што не сакаат да ве застапувам. Јас сум најпрогонуваната личност во историјата. Ако најавам дека нема да се кандидирам, истрагите веднаш ќе завршат. Но, знаете што ? Нема шанса тоа да го направам“.
Публиката му одговори со овации. Веќе во Аризона, во петокот, Трамп се приближи до „точката“ на кандидатурата. Американските медиуми очекуваат гласното и јасно соопштение да биде објавено во Флорида.
Конзервативниот Њујорк пост неодмана го нарече Трамп „недостоен повторно да ја води земјата“, обвинувајќи го дека бил инертен повеќе од три часа на 6 јануари 2021 година, кога неговите поддржувачи го нападнаа објектот на Конгресот.
Но, Трамп кој разговараше со младите луѓе во Флорида изгледал како човек решен да оди по својот пат, а сè поблиску до целта на објавата на кандидатура. „Ја направивме Америка голема – продолжи тој –но сега не е. Нема да дозволиме нашата земја да стане Венецуела, да стане Советски Сојуз, оваа нација не им припаѓа ним, оваа нација ви припаѓа вам, таа е ваш дом.“
Поттикнат од присуството на толку млади луѓе, Трамп, повторно го нападна Џо Бајден, велејќи дека со него „земјата е сведена на просјачка“ , и дека повлекувањето од Авганистан, кое се случи пред една година, „беше најпонижувачкиот момент во американската историја“.
Трамп ги нарече климатските промени „измама што треба да се победи“; тој објави дека го „завршил првичниот план“ за изградба на ѕидот на границата со Мексико, го осуди „крајот на слободата на изразување“ и ги обвини демократите дека „се претставуваат како полицајци“.
