Претставникот на Швајцарија Немо Метлер го освои првото место во финалето на „Евровизија 2024“.
Бејби Лазања од Хрватска со песната „Рим Тим Таги Дим“ до пред една недела важеше за главен фаворит и беше на првото место за победа на обложувалниците, но сепак го зазеде второто место со 547 поени, додека Немо имаше 591 поен.
Сега после Евровизија се огласи и хрватскиот музичар Тончи Хуљиќ.
– Се што кажав сега можам повторно да потврдам и така беше. Бејби ќе победи со гласови на публиката, а жирито ќе се сврти кон Франција или Швајцарија. Пред се кон Швајцарија поради ситуацијата која вообичаено владее на Евровизија, за да бидеме политички коректни…, изјави тој за Ртл.
Тончи откри и каква кариера му предвидува на Бејби Лазања:
– Пред се, треба да знаете дека тој веќе ја има кариерата, но тој е скромна, бескрајно нормална, оптоварувачки нормална личност. Како да ви кажам, едноставно те оптоварува што некој може да биде толку нормален, стабилен и прибран. А тоа е тој.
– Она што е најважно е пораката што ѝ ја испраќа на хрватската јавност со својот изглед, но ја испрати и во Европа. Тој покажа како чистотата на душата, добрината, скромноста и понизноста можат полека да почнат да ја трансформираат оваа цивилизација која е во распаѓање, рече Хуљиќ.
