Американскиот рагбист Том Брејди на својот инстаграм-профил ја потврди веста за разводот со бразилската манекенка Жизел Бундешен.
„Во последните неколку години, јас и мојата сопруга го финализиравме разводот по 13 години брак. Спогодбено дојдовме до оваа одлука и сме благодарни за времето кое го поминавме заедно. Благословени сме со прекрасни деца кои ќе продолжат да бидат во центарот на нашите животи. Ќе продолжиме да работиме заедно како родители и ќе се потрудиме да ги добијат љубовта и вниманието што ги заслужуваат. Дојдовме до оваа одлука по долго размислување. Тоа е, се разбира, болно и тешко, но не сме единствените кои поминале низ нешто такво. Како и да е, си посакуваме сѐ најдобро. Љубезно ве замолуваме да ја почитувате нашата приватност во периодот што следи. Благодарам“, напиша Брејди.
Како што претходно беше објавено, парот по големата кавга живееше одвоено изминатите неколку месеци и сега тие очигледно сакаат да ја поделат својата империја вредна милиони долари.
„Никогаш не мислев дека оваа кавга ќе биде крај на нивниот брак, но изгледа дека е така. Мислам дека веќе нема враќање назад. И двајцата имаат адвокати и веќе се информираат што ќе значи оваа разделба, кој што ќе добие и како ќе ги поделат финансиите“, рече упатен извор за Page Six.
Бундшен и Брејди се венчаа во Санта Моника, Калифорнија, на 26 февруари 2009 година. Тие се родители на 12-годишниот син Бенџамин и 9-годишната ќерка Вивијан, а Брејди го има и 15-годишниот син Џек со поранешната партнерка Бриџит Мојнахан.
