Денес е светски ден на театарот, па со почеток од 13:00 часот на Факултетот за драмски уметности ќе се одржи промоција на „Основните проблеми на режијата“ од Хуго Клајн во превод на Ема Маркоска Милчин. Изданието ќе го промовираат Владимир Милчин, Кристина Леловац и Симона Спировска.
„Основните проблеми на режијата ги соочува режисерот, актерите и сите други учесници во правењето претстава дека правењето претстава не е само естетички, туку и етички чин. Театарот мора да го открие своето време и да проговори за него, доколку навистина сака да биде современик и да не заврши на маргините на културата и општеството“
Факултетот за драмски уметности од денес почнува со одбележување на творештвото на Горан Стефановски под наслов „Тетовирани импресии“. Одбележувањето ќе трае еден месец со мултимедијална програма до 27 април – роденденот на Горан. Повеќе информации за програмата можете да најдете на социјалните мрежи на ФДУ и Академска сцена.
