Сузана Турунџиева искрено зборуваше на темата нов брак и за тоа дали е осамена откако пред девет години почина нејзиниот сопруг Марјан Јовановиќ.
– По смртта на мојот сопруг, се посветив на нешто друго и не сметам дека по секоја цена морам да имам партнер. Ние сами доаѓаме на овој свет и никој не ни гарантира дека во пар ќе заминеме – рекла познатата водителка и пејачка во емисијата „Нешто конретно“ со Снеже Велков.
– Јас се радувам на успешни брачни примери, има такви многу, меѓутоа, имам многу примери во кои многу луѓе се осамени иако се во брак. Секоја чест на оние кои успеваат да синхронизираат, да се носат во таа брачна заедница.
Не сум од тие кои не веруваат во брак. Апсолутно, јас сум била во брак, меѓутоа, еве, животот такво сценарио за мене имал. Сега имам толку многу преокупација, толку многу луѓе околу мене, имам големо семејство на 150 жени „Фриди“ кои ме прават среќна и непрекинато се надополнувме, така што не ни размислувам – открила Турунџиева, мислејќи на жените од хорот „Фрида“ кој го основаше.
Турунџиева е мајка на Лора од бракот со Александар Маленко и горда баба на нејзиниот син Јаков кој има 7 години. Од бракот со Марјан Јовановиќ ја има ќерката Матеа.
