Актерот Алек Болдвин и специјалистката за оружје се и формално обвинети за ненамерно убиство во фаталното пукање на кинематографер на филмски сет во Ново Мексико, според судските документи поднесени од обвинителите во вторникот.
Окружниот обвинител во Санта Фе, Мери Кармак-Алтвис, ги поднесе документите за обвинение со имињата на Болдвин и Хана Гутиерез-Рид, која го надгледувала оружјето на сетот на „Раст“ и наведе докази дека тие постојано отстапувале од познатите безбедносни стандарди.
Халина Хачинс почина набргу откако беше ранета за време на пробите на ранчот на периферијата на Санта Фе на 21 октомври 2021 година. Болдвин вперил пиштол во Хачинс, кога пукнал пиштолот, убивајќи ја, и ранувајќи го режисерот Џоел Соуза.
Во последните недели, Кармак-Алтвис наведе две групи на обвиненија за ненамерно убиство од небрежност во врска со пукањето.
Обвинението за убиство од небрежност поднесено во вторникот против Болдвин и Гутиерез-Рид вклучува два алтернативни стандарди и санкции.
Една верзија ќе бара доказ за небрежност, што се казнува со затвор до 18 месеци и парична казна од 5.000 долари според законот на Ново Мексико.
BREAKING: Actor Alec Baldwin and a weapons specialist have been formally charged with involuntary manslaughter in the fatal shooting of a cinematographer on a New Mexico movie set, according to court documents filed by prosecutors Tuesday. https://t.co/hzkf2zJfGw pic.twitter.com/cXaoTWoRSx
— The Associated Press (@AP) January 31, 2023
Втората алтернатива е несовесно непочитување на безбедноста „без должна претпазливост и внимателност“. Таа носи повисок праг на неправилности и може да резултира со задолжителна петгодишна затворска казна бидејќи делото е извршено со пиштол.
Обвинителите рекоа дека поротата на крајот може да одлучи која од двете алтернативи за убиство од небрежност ќе ја поддржи.
Изјавата за веројатна причина што ги наведува доказите против Болдвин наведува дека има многу случаи на „екстремно непромислени дејствија“ или непромислено непреземање мерки на претпазливост во деновите и минутите пред смртоносното пукање.
Истражителите велат дека Болдвин извадил револвер од футрола, го вперил во Хачинс и го испукал оружјето кога според индустриските стандарди требало да се користи пластичен пиштол или реплика на пиштол.
Се вели дека фотографиите и видеата од пробата, вклучително и моментите пред смртоносното пукање, го покажуваат Болдвин со прстот внатре во штитникот за чкрапалото и на чкрапалото додека „манипулира“ со пиштолот, и дека анализата на ФБИ покажува дека од пиштолот не може да биде испукан куршум без притискање на чкрапалото.
Инспекторите велат дека Болдвин не се појавил на задолжителна обука за огнено оружје пред снимањето и дека не ја завршил целосно обуката, а бил расеан од телефонските повици до семејството. Тие, исто така, наведуваат неколку прекршувања на потребните безбедносни проверки и протоколи бидејќи пиштолот бил наполнет и даден на Болдвин.
Болдвин и Гутиерез-Рид остануваат на тврдењето дека се невини и ветија дека ќе се борат против обвиненијата.
Адвокатот на Болдвин, Лук Никас, одби коментар во вторникот и се осврна на неговата претходна изјава за случајот, во која ги нарече обвиненијата „ужасен пропуст на правдата“ со кој тој и неговиот клиент ќе се борат и ќе победат.
„Господин Болдвин немаше причина да верува дека има вистински куршум во пиштолот – или каде било на филмскиот сет“, се вели во соопштението. „Тој се потпираше на професионалците со кои работеше“.
Адвокатот на Гутиерез-Рид рече дека тие ќе објават изјава подоцна.
Обвинителите велат Болдвин и Гутиерез-Рид ја прескокнале безбедносната проверка на пиштолот и неговата муниција и дека Болдвин требало подобро да знае за тоа како актер со долгогодишно искуство во филмови со огнено оружје.
Обвинителите истакнуваат и дека властите откриле уште пет боеви куршуми, вклучително и куршум во футролата на Болдвин, како и кутија за муниција.
Смртта на Хачинс веќе доведе до нови безбедносни мерки на претпазливост во филмската индустрија.
Actor Alec Baldwin has been formally charged with involuntary manslaughter along with a weapons expert in the shooting death on the set of the western film “Rust.” Prosecutors say more than a dozen safety violations occurred on the set. pic.twitter.com/KIwbtUv0Ex
— CBS Evening News (@CBSEveningNews) February 1, 2023
Болдвин, исто така копродуцент на „Раст“, го опиша убиството како трагична несреќа. 64-годишниот актер рече дека му било кажано дека пиштолот е безбеден и дека се обидел да го заштити угледот на своето име тужејќи ги луѓето вклучени во ракувањето и снабдувањето со наполнетиот револвер со калибар 0,45.
Адвокатот на одбраната Џејсон Боулс, кој ја застапува Гутиерез-Рид, рече дека обвиненијата се резултат на „неправилна истрага“ и „неточно разбирање на целосните факти“.
