Поранешната ријалити-учесничка Слаѓа Поршeлина излезе со сериозни обвинувања на сметка на Маја Маринковиќ, тврдејќи дека таа имала блиска врска со раперот Драгомир Деспиќ Десингерица.
По неодамнешните јавни прозивки од страна на таткото на Маја, Таки Маринковиќ, Поршeлина одлучи јавно да возврати и да сподели, како што вели, сопствени сознанија од периодот кога двете биле блиски.
Слаѓа тврди дека за време на заедничко летување сведочела на блиското дружење меѓу Маја и познатиот рапер, по негов настап на приморјето.
„По настапот, таа замина во неговиот хотел и постојано беа во контакт. Се чувствуваше јасна привлечност и енергија меѓу нив“, изјави Поршeлина, додавајќи дека контактот меѓу нив бил воспоставен преку заеднички познаници.
Таа тврди дека Маја често влегува во нови односи и дека овој случај не бил исклучок, нагласувајќи дека лично била сведок на ситуацијата.
Во истото гостување, Поршeлина се осврна и на поранешната врска на Маја со Филип Цар, пренесувајќи, како што вели, приватни разговори што наводно ги водела со него.
Нејзините изјави предизвикаа бурни реакции на социјалните мрежи, а јавноста остана поделена – дел застана во одбрана на Маја, додека други сметаат дека станува збор за уште еден јавен конфликт меѓу поранешни блиски личности од ријалити-сцената.
Засега, ниту Маја Маринковиќ ниту Десингерица не се огласија по повод овие тврдења.
