Гостувањето во емисијата „Народ пита“ се претвори во вистинска вербална пресметка кога водителката Ивана Шопиќ ги угости ријалити-ѕвездите Станија Добројевиќ и Маја Маринковиќ. Атмосферата ја доведе до вжештување гледачката Гоца од Краљево, која директно ја тестираше Станија за нејзината општа култура, потсетувајќи ја на старата пропуштена лекција од минатото.
На прашањето дали во меѓувреме научила кој е Николо Паганини, Станија без устручување одговори дека не знае, но дека е образована бидејќи има факултетска диплома. Откако гледачката ѝ одржа лекција дека дипломата е степен на стручна спрема, а Паганини е дел од основното образование, старлетата возврати:
„Дали Паганини ќе ми помогне да заработам повеќе пари? Немојте да ме зезате“.
Покрај оваа расправа, во емисијата беа откриени и понатамошните планови на ријалити-учесничките. Додека Маја Маринковиќ потврди дека ги прекинала сите контакти со поранешните цимери од ријалитито, Станија откри дека ги пакува куферите за Америка каде заминува за две недели поради бизнис обврски, споменувајќи дека во иднина размислува и за сурогат-мајчинство.
