Актерот Метју Пери почина на 55-годишна возраст, а веста за неговата смрт го потресе светот.
Минатата година ја објави и книгата „Пријатели, љубовници и големата страшна работа“, а по тој повод даде и интервју во кое зборуваше за неговата борба со зависностите.
„Ме замолија да ви дадам некаков општ животен совет. Малку е смешно што ме замолија да го направам тоа“, изјави тогаш тој, а снимката од ова интервју сега се шири на социјалните мрежи.
View this post on Instagram
„Сакам луѓето да разберат дека не се сами, дека има и други луѓе кои се чувствуваат исто како нив, дека нивното однесување не е лудо, дека се болни и дека тоа не е нивна вина“, рече Пери, додавајќи:
„Постои изрека дека луѓето не се менуваат, но јас знам дека луѓето се менуваат и тоа го гледам секој ден. Гледам луѓе кои се опоравуваат, кои работат на себе и им ја гледам светлоста која ја имаат во очите“.
