Пријателите на Владимир Блажев-Панчо кој почина на 14 октомври ќе направат нешто специјално во негова чест во Скопје. Панчо од ДНК почина по седуммесечна борба во болница, по трагичниот пожар во Кочани на 16 март.
-На 11 декември (четврток), со почеток во 20 часот, во “Три кичен бар“ ќе му оддадеме почит на нашиот другар, брат и ментор, Панчо. Со насмевка ќе се потсетиме на некои од најубавите моменти од изминативе 20 и повеќе години и ќе кажеме збор/два за човекот кој ја создаде нашата екипа и со кого заедно поминавме низ најголемите успеси, подеми и падови.
Ги покануваме сите негови пријатели, роднини, соработници и фанови на дружба исполнета со убави сеќавања и секако музика. Forever P!“, пишува во објавата на продукцијата
„Sure Shotz“, со која Панчо соработуваше и организираше настани.
Инаку, јакната која Панчо од „ДНК“ ја носел на неговите настапи има важна симболика. Фотографот Стефан Рајхл објавил фотографија од него со јакната што ја носел на негов концерт. Токму тој, споделил негова фотографија од Панчо на која пишува: „Легендите никогаш не умираат 1978-2020“.
Написот на јакната е посветен на легендарниот кошаркар Коби Брајант кој загина на 26 јануари во 2020 година во хилихоптерска несреќа.
