Врската меѓу Јаков Јозиновиќ и младата музичка ѕвезда Џејла Рамовиќ и понатаму предизвикува огромно внимание во јавноста. Иако сè уште нема официјална потврда за нивната романса, приказните во медиумите постојано добиваат нови продолженија, а сега „масло на огнот“ додаде поранешниот дечко на Џејла — пејачот и актер Бојан Цвјетиќанин.
На социјалната мрежа ТикТок деновиве се појави видео од Бојан од луд ноќен провод, каде што тој на целиот глас ја пее познатата дуетска песна на Саша Матиќ и Александра Пријовиќ, „Ко си ти“.
Она што на сите им западна во око е моментот кога Бојан паѓа во целосен занос и со посебна емоција го пее стихот: „Спиеш со него, мене ме довикуваш…“. Ова веднаш ги подгреа сомнежите кај фановите дека тој на овој начин јавно ја „пецна“ својата поранешна девојка Џејла.
Пријателите го обвинуваат Јаков за предавство на кодексот
Дека во оваа приказна има многу драма, потврди и неодамнешната објава на близок пријател на Бојан, кој јавно го нападна Јаков за предавство и кршење на машките кодекси.
„Оваа љубовна афера воопшто не ме изненади. Се дружиш со Бојан, а скришум му ја преземаш девојката. Тоа е надвор од сите кодекси! Одиш кај Бојан дома за да ти помага да правиш песни, а во меѓувреме му ја освојуваш девојката“, револтирано напиша пријателот на Бојан на социјалните мрежи.
Дали Бојан навистина се пронајде во тажните стихови на Саша Матиќ или јавноста едноставно гледа драма таму каде што ја нема, останува самите да процените по најновото видео кое стана вирално.
