Британската група Спајс Грлс – која се распадна во 2000 година и во која беше членка и Викторија Бекам – повторно ќе се обедини во април на венчавката на најстариот син на „Пош Спајс“.
Тоа ќе биде фараонска венчавка – со оглед на семејствата на младиот пар – и токму на овој голем настан е најавено повторното обединување на еден од најпопуларните бендови од деведесеттите. Имено, сите членки на „Спајс грлс“ (Ема Бантон, Гери Халивел, Мелани Чишолм и Мелани Браун, вклучувајќи ја и мајката на младпженецот, Викторија Бекам) ќе бидат присутни на свадбата на Бруклин Бекам (22) и Никола Пелц (27) која ќе се одржи на 9-ти април.
Меѓу поканетите гости на свадбата за сега се знае дека ќе бидат и супермоделката Џиџи Хадид, богатата наследничка Никол Ричи и семејните пријатели на Бекамови, готвачот Гордон Ремзи и неговата сопруга Тана.
И додека невестата ќе носи две модни креации од „Валентино“, дизајнерката Викторија Бекам им предложила на своите поранешни „колешки“ да ги обллече во нејзини креации во фустани од нејзината најнова колекција.
Фотографиите од свадбата пак, ексклузивно ќе бидат објавени во британски „Вог“.
