На многумина омилениот холивудски глумец Брус Вилис е во лоша состојба. Минатата година семејството објави дека тој ќе се повлече од актерството бидејќи му беше дијагностицирана афазија, состојба која ја попречува способноста за зборување и пишување.
Сега неговата поранешна сопруга Деми Мур, со која актерот остана исклучително близок и откако и двајцата најдоа нови партнери, објави нова тешка вест.
Таа откри дека добиле нова дијагноза и дека Брус боледува од таканаречена фронтотемпорална деменција, која е резултат на наследни или спонтани нарушувања кои предизвикуваат влошување на фронталниот, а понекогаш и темпоралниот лобус на мозокот.
View this post on Instagram
-Откако објавивме дека на Брус му беше дијагностицирана афазија во пролетта 2022 година, неговата болест напредува и сега имаме поконкретна дијагноза: фронтотемпорална деменција (позната како FTD). За жал, проблемите во комуникацијата се само еден од симптомите на болеста со која се справува Брус. Иако е многу болно, олеснување е што конечно имаме јасна дијагноза – гласи дел од текстот во објавата на фотографијата на Брус што ја сподели Деми Мур.
