Шпанската влада усвои закон со кој им дозволува на жените со особено болни менструации да земаат платено „менструално отсуство“ од работа, со што стана првата европска земја што го стори тоа.
Како што јави „Еуроњуз“, законот што денеска го усвои парламентот е дел од поширокиот пакет закони за сексуални и репродуктивни права, кој го вклучува фактот дека секој на возраст од 16 години и повеќе може да абортира или да го промени полот на документот за идентификација.
За да се добие отсуство од работа, потребен е извештај од лекар.
Во текстот на законот се наведува дека новата политика ќе помогне во борбата против стереотипите и митовите кои сè уште го опкружуваат менструалниот циклус и влијаат на животот на жените.
