Сопствениците на британски корги објавија на социјалните мрежи најразлични објави во кои тврдат дека по смртта на кралицата нивните миленици почнале да се однесуваат поинаку затоа што тагуваат по Елизабета Втора, пренесува Дејли рекордс.
Сопствениците на корги ширум земјата велат дека нивните кучиња им се придружуваат на британскиот народ во жалоста за загубата на кралицата Елизабета Втора.
Во групата на сопственици на корги на Фејсбук , луѓето пријавуваат промени во однесувањето на нивните миленици, а многумина тврдат дека од смртта на Нејзиното Височество, нивните кучиња станале поприврзани и дека се однесуваа почудно од вообичаено.
Еден загрижен сопственик на корги: „Моето куче се обидува да ги слушне вестите на телевизија, се однесува чудно и постојано ми лежи во скут, што не се случило досега“. Друг, исто така, забележал промена во однесувањето на неговото куче: „Нашето корги е многу мирно откако се појави веста за смртта на кралицата“. Трет пак, додаде: „Моите кучиња се многу вознемирени поради смртта на кралицата, а исто така возбудени поради новиот крал Чарлс III“.
