– И во оваа прва седмица од новата 2023 година продолжува стабилното, суво и натпросечно топло време. Особено топло ќе биде на повисоките места и планините, додека по котлините и речните долини ќе има појава на магла и на ниска облачност. Во местата до магла и со ниска облачност температурите ќе бидат пониски. Инаку температурите и понатаму ќе се искачуваат во интервалот од 10 до 16 степени. Ќе биде претежно тивко. Во Скопје и понатаму ќе има појава на магла и на ниска облачност, особено во ноќните, утринските и во претпладневните часови. Температурите ќе се искачуваат во интервалот помеѓу 5 и 8 степени. Потопло ќе биде во среда кога температурата ќе се искачи до околу 11 степени. За Божиќ нема никаква најава за снежна бајка, што значи дека продолжува натпросечното топло време, вели метеопрогнозерот Славчо Попоски.
Славчо Попоски: Температурите и понатаму ќе се искачуваат во интервалот од 10 до 16 степени
