– Топлотен бран од југ и значително повисоки температури од просечните ќе ја одбележи новата седмица која што ни претстои. Температурите во текот на оваа седмица, повремено ќе бидат дури и за околу десет степени повисоки од нормалните за овој период од годината, вели метео прогнозерот Славчо Попоски.
Попоски акцентира дека времето ќе биде сончево, повремено со мала до умерена локална облачност, што значи дека ГОЛЕМАТА СУША продолжува и во текот на оваа седмица. Ќе дува и слаб до умерен ветер, претежно од северен правец.
Минималните температури во текот на следните денови ќе се спуштаат во интервалот од 7 до 16 степени, додека максималните ќе се искачуваат во интервалот од 27 до 35 степени.
Во Скопскиот регион, во текот на следните денови температурите исто така ќе бидат над просекот и ќе се искачуваат во интервалот од 30 до 33 степени.
– ПОЧИТУВАНИ ГРАЃАНИ: Со оглед на тоа дека и понатаму продолжуваат вистинските летни температури, следните денови и со ЗГОЛЕМЕН ИНТЕНЗИТЕТ – ви препорачуваме МАКСИМАЛНО да ги искористете за прошетки, и секако за одмори (кој може да земе од своето работно место) и плажирање во нашите прекрасни езера, предлага Попоски.
Ув индексот и понатаму ќе има УМЕРЕНО ВИСОКА вредност (коефициент 6).
