– Во следните часови постепено од запад облачноста ќе се зголемува низ Македонија. Максималните темпратури ќе се искачуваат во интервалот од 19 до 23 степени.
Во Скопје и околината исто така во следните часови облачноста постепено ќе се зголемува. Максималната температура ќе се искачи до околу 23 степени. За време на овој викенд како што веќе најавивме нашата територија ќе биде под влијание на Медитерански циклон. Истиот ќе услови врнежи од дожд насекаде низ Македонија.
Локално врнежите ќе бидат ИНТЕНЗИВНИ и ПОРОЈНИ и ќе наврне ЗНАЧИТЕЛНО количество на воден талог (околу 40 л/м2). Ќе дува засилен, повремено и локално СИЛЕН ветер од југоисточен правец (над 70 км/час).
Температурите ЗНАЧИТЕЛНО ќе опаднат (дури за околу 10 степени во споредба со сегашните. Најсвежо ќе биде во недела кога максималните дневни температури на воздухот ќе се искачуваат во интервалот од 10 до 16 степени. За време на овој циклон ќе има услови и за ретка појава на грмежи, додека на највисоките планински врвови ќе има услови за провејување на снег, вели метеопрогнозерот Попоски.
