– Нашата територија и понатаму ќе се наоѓа под влијание на стабилна и сува воздушна маса. Времето ќе биде сончево и релативно топло преку ден со мала до умерена локална облачност.
Денес ќе дува умерен, а долж Повардарието повремено засилен ветер од северен правец. За време на викендот пак по котлините и речните долини ќе има појава на магла, особено во утринските и раните претпладневни часови.
Наутро и понатаму ќе биде релативно студено со минимални температури кој особено во Малешевијата ќе се спуштаат за неколку степени под нулата, и тоа особено во петок.
Максималните температури до сабота нема многу да се менуваат, додека од недела па во текот на следната седмица ќе бидат ЗНАЧИТЕЛНО ПОВИСОКИ и над просекот кога ќе се искачуваат во интервалот од 22 до 27 степени.
Во Скопје и околината продолжува стабилното, суво и сончево време. Денес ќе дува умерен, повремено засилен ветер од северен правец. За време на викендот и тоа особено во утринските и раните претпладневни часови ќе има појава на магла. Наутро температурите ќе се спуштаат во интервалот помеѓу 1 и 8 степени, додека максималните дневни ќе се искачуваат во интервалот помеѓу 19 и 22 степени.
