– Денес и утре продолжува периодот на стабилно, суво и сончево време со мала до умерена облачност. Денес повеќе облачност ќе има во западните предели, додека утре насекаде постепено облачноста ќе се зголемува.
Почнувајќи од утрешната ноќ, па во деновите потоа ќе навлеземе во период кога ќе бидеме под влијание на влажен воздушен бран од запад. Ќе има повремени врнежи од дожд кој локално и повремено ќе бидат ПОИНТЕНЗИВНИ. Локално ќе има услови за развој на нестабилна облачност проследена со пороен дожд, грмежи и засилување на ветерот. Температурите наутро ќе бидат нешто повисоки за разлика од оние кои ги имавме досега, и тоа поради облачноста која ќе биде присутна кај нас. Максималните пак денес и утре ќе се искачуваат во интервалот од 21 до 26 степени, додека од вторник па натаму ќе бележат тенденција на мал пад и ќе се искачуваат во интервалот од 16 до 24 степени.
Во Скопје исто така денес и утре времето ќе се задржи стабилно и суво, додека од вторник па натаму ќе растат условите за повремени врнежи од дожд. Температурите ќе се искачуваат до околу 25 степени, додека во вторник истите ќе бележат тенденција на не многу голем пад и ќе се искачуваат до околу 20 степени, вели метеопрогнозерот Славчо Попоски.
