– До овој петок нашата територија и понатаму ќе се наоѓа под влијание на стабилна, сува и ТОПЛА воздушна маса од југ. Времето ќе биде сончево, повремено со мала до умерена локална облачност. Температурите и понатаму ќе бидат НАТПРОСЕЧНО ВИСОКИ и ќе се искачуваат во интервалот од 20 до 26 степени. Во Скопје и околината исто така до овој петок ќе се задржи стабилно и суво време со максимални температури кој ќе се искачуваат во интервалот помеѓу 23 и 24 степени.
РАНА НАЈАВА: За време на викендот кој доаѓа според последните анализи се очекува ПОГОЛЕМА ПРОМЕНА на временската состојба кај нас и истата ќе биде проследена со зголемување на облачноста, ПОИНТЕНЗИВНИ врнежи од дожд, умерен до засилен ветер од јужен и од југоисточен правец и опаѓање на температурите. Услови за провејување наснег ќе има само на највисоките планински места во Македонија, вели метеопрогнозерот Славчо Попоски.
