– И во поголемиот дел од оваа недела продолжува периодот на стабилно, суво, сончево и НАТПРОСЕЧНО ТОПЛО време. Ќе дува слаб до умерен ветер од променлив правец а само денес ветерот ќе биде од северен и од североисточен правец и истиот ќе засилува на интензитет. Температурите ќе се искачуваат во интервалот од 20 до 26 степени.
Во Скопје и околината продолжува стабилното, суво и сончево време. Ќе дува слаб до умерен ветер претежно од северен правец. Температурите ќе се искачуваат во интервалот помеѓу 23 и 25 степени. Да напоменеме дека и наутро ќе биде ПОТОПЛО со минимални температури кои насекаде ќе бидат над нулата, односно истите ќе се спуштаат во интервалот од 3 до 10 степени а во југоисточните предели локално истите се очекува да останат малку над 10 степени.
РАНА НАЈАВА: Ако вака останат работите, околу 5 Ноември доаѓа ГОЛЕМА ПРОМЕНА на времето, односно ГОЛЕМО ЗАЛАДУВАЊЕ на времето, врнежи од дожд, засилен северен и северозападен ветер и врнежи од снег на планините. Состојбата континуирано ќе се следи околу ова и понатаму и навремено ќе информираме за секоја ново – настаната временска состојба.
