Вестите за новата врска меѓу Зои Кравиц и Ченинг Тејтум, но и за обновувањето на врската меѓу Џенифер Лопез и Бен Афлек, која беше наречена Бенифер, како и многу други, ја обележаа 2021 година.
1. Бен Афлек и Џенифер Лопез
Овој пар по долги години реши повторно да и даде шанса на својата романса, па беа вистински ѕвезди на црвениот тепих, но и на фотографиите на папараците, на кои разменуваат нежности. Без сомнение, тие двајца се хит на социјалните мрежи оваа година.
2. Зои Кравиц и Ченинг Тејтум
Нивната врска е големо изненадување пред крајот на оваа година, а нивното прво заедничко појавување беше на Мет Гала.
3. Ријана и АСАП Роки
По неколкумесечни шпекулации, уметникот во интервју за магазинот GQ призна дека е во врска со Ријана, која ја нарече љубов на својот живот.
4. Мајкл Б. Џордан и Лори Харви
Ова е ера на објавување врски преку Инстаграм, каде што дознавме и за оваа врска. Ако ги погледнете објавите што ги споделуваат, изгледа дека живеат вистинска идила.
5. Меган Фокс и Машин Ган Кели
Меган Фокс повторно е среќна во љубовта, покрај музичарот со кој често ги усогласува модните комбинации. Нивната врска е придружена со интересна приказна за тоа како се запознале.
6. Хари Стајлс и Оливија Вајлд
На крајот уште една романса која не беше на повидок, но делува хармонично и засега опстојува. Актерката е чест гостин на концертите на својот избраник, кога без двоумење го изразува своето воодушевување од неговите настапи.
