Актерката Гал Гадот блесна на премиерата на долгонајавуваниот филм „Red Notice“ во продукција на „Netflix“. За таа специјална прилика Гадот се појави облечена во црвен фустан со секси крој. Актерката покажа завидна линија на црвениот тепих само четири месеци по породувањето.
Гадот за премиерата на филмот во Лос Анџелес се одлучила за прекрасниот црвен фустан од колекцијата на „Loewe“ за пролет 2022 година.
Блескавиот изглед го комплетирала со накит од „Tiffany & Co.“ носејќи обетки од платина со повеќе од 15 карати дијаманти и нараквица со сини турмалини.
Актерката на премиерата пристигна во друштво на својот сопруг Јарон Варсан, а секако, одвои време и да се фотографира со своите колеги Рајан Рејнолдс и Двејн Џонсон.
Рејнолдс исто така се одлучил за црвената боја за премиерата, облечен во црвен кадифен костум од брендот „Armani“, додека Џонсон пак, носеше одело „Ralph Lauren Purple Label“ во боја на слива.
View this post on Instagram
Продукцијата на филмот „Red Notice“ кој воедно е и најскапиот проект на „Netflix“ до сега, беше стопирана на 14 март 2020 година, токму кога ескалираше пандемијата на ковид-19 во САД. Работата на филмот продолжи неколку месеци подоцна, во септември во Атланта, во услови на строги протоколи.
