Поради скандалот кој со денови ја тресе естрадата, а се однесува на бурнoто деловно раскинување меѓу Ана Николиќ и Саша Мирковиќ, кој ги откажал сите нејзини концерти во следниот период кои биле веќе договорени, интересот за Ана во клубовите не е намален, туку напротив – зголемен.
Според извор на српски Курир, луѓето сега масовно се јавуваат и прашуваат зошто нема да има настап на Ана во клуб во Црна Гора.
– Од тимот на Мирковиќ нè известија дека Ана нема да пее во нашиот клуб бидејќи престана да работи со неа и ги повлековме сите огласи, но дури тогаш почна хаосот. Луѓето почнаа да ни пишуваат пораки на социјалните мрежи и да ни се јавуваат за тоа, прашувајќи зошто таа нема да дојде да пее. И не знаеме што да правиме сега. Ако луѓето продолжат да ни се јавуваат и да бараат Ана да дојде да пее кога е најавена, ќе мора некако да стапиме во контакт со неа и да видиме дали има шанса да ги исполниме желбите на посетителите – вели соговорникот на Курир, инсистирајќи да остане анонимен.
Да потсетиме, скандалот меѓу Ана и Мирковиќ започна во саботата, кога таа на Инстаграм објави дека тој е нечовек кој се обидел да манипулира со неа. Одговорот на Саша беше дека тој само побарал од Николиќ да оди на лекување од алкохолизам и дрога, а потоа почна да објавува нејзини приватни фотографии и видеа на кои се гледаат лузни и „кратери“ на нејзиното лице. После неколку дена пејачката конечно се огласи и рече дека се чувствува добро, дека му е благодарна на Мирковиќ за соработката, а потоа се пошегува и додала дека ќе одржи концерт во Арена, но не знаела на кој датум.
