Синовите на актерката и модел Памела Андерсон и музичарот Томи Ли зборуваа за разорното влијание на скандалот со секс снимките на родителите врз нивните животи.
Најстариот син Брендон, роден во 1996 година, откри во документарниот филм на Нетфликс, „Памела, љубовна приказна“, дека бил вклучен во тепачки поради минатото на мајка си.
„Кога бев дете, отсекогаш мислев дека сите знаат работи за мене и за моето семејство што навистина не треба да ги знаат, сите ја знаат оваа мала валкана тајна за моето семејство“, сподели тој.
View this post on Instagram
Најмладиот син на парот, Дилан, кој сега има 25 години, исто така беше длабоко повреден од инцидентот.
Но Памела објаснува: „Кога работев за Плејбој, не мислев дека наскоро ќе имам деца, тие ќе пораснат и ќе се срамат од мене“.
Таа истакна дека размислувала да им каже на синовите за нејзината работа кога ќе бидат на соодветна возраст, но тие дознале за тоа порано.
„Се сеќавам дека еден ден по училиште Дилан ми пријде облеан во солзи и ме праша: „Зошто го сними тоа видео?“, вели таа.
View this post on Instagram
Најмладиот син на актерката и модел рече, дека мајка им, сепак, секогаш го става семејството на прво место.
„Работите би биле поинакви ако таа заработи многу пари од тоа видео“, рече тој, додавајќи дека луѓето заработуваат милиони долари за такви „сцени“, но Андерсон не заработила речиси ништо.
Најстариот син на Андерсон истакна дека би бил посреќен доколку таа заработила цело богатство, како Ким Кардашијан, чија секс снимка објавена во 2007 година ѝ помогна да стане реалити ТВ ѕвезда и милијардерка.
„Наместо тоа, таа седеше и гледаше како нејзината кариера исчезнува во воздухот. Таа е во долгови поголемиот дел од својот живот“, рече тој.
