Марко Бјелиќ, синот на фолк-ѕвездата Драгана Мирковиќ, целосно се повлече од социјалните мрежи и се посвети на семејниот живот со сопругата Мелани и ќерката Ксенија. Иако неговата мајка често истакнува колку ѝ значи поддршката од семејството, Марко веќе подолго време е незадоволен од животот во Австрија, а одамна е познато и дека не е во добри односи со својот татко Тони Бјелиќ.
Тој отворено ја критикуваше ситуацијата во Виена и најави дека е подготвен да се пресели во Белград доколку работите не се променат.
Осврнувајќи се на вредностите во општеството каде што живее, тој не го криеше своето разочарување од модерниот начин на живот:
„Се губат вистинските вредности. Во оваа држава никој повеќе не верува во Бога. Девојките се угледуваат на инфлуенсерките, а мажите не знаат што значи да се биде маж“.
За разлика од семејните тензии, Драгана Мирковиќ не ја крие среќата поради улогата на баба. Пејачката емотивно прозборе за седуммесечната внука Ксенија, откривајќи дека малата обожава кога баба ѝ ѝ пее. Драгана сподели дека успева да ја смири и заспие со модифицирани верзии од своите песни и староградски мелодии, истакнувајќи дека оваа улога ѝ носи најголема радост во животот.
