Неда Украден со години е едно од омилените гостински имиња во жирито на музичкото шоу „Никогаш не е доцна“, каде што редовно доаѓа на покана од Жика Јакшиќ. Нејзиното присуство секогаш е добро прифатено од публиката, па со текот на времето стана неизоставен дел од секоја сезона.
Иако многумина мислат дека нивната соработка прераснала и во блиско пријателство, пејачката откри дека нивниот однос се темели пред сѐ на меѓусебна почит.
„Приватно не се дружиме, не седиме и не пиеме кафе, но меѓу нас постои голема меѓусебна почит. Неговата емисија има навистина силен личен печат и токму тоа ми се допаѓа, бидејќи не е шаблон ниту купен лиценциран забавен формат. Прекрасно е што Жика во секоја емисија внесува лични емоции, а публиката тоа го препознава. И јас сум во многу нешта слична на него, па затоа имаме многу заедничко“, изјави Неда Украден во интервју за „Гранд“.
Таа истакна дека токму ова музичко шоу е едно од нејзините омилени, поради што секогаш со задоволство прифаќа да биде дел од жирито.
„Ова е прекрасна емисија и секогаш ми е задоволство да бидам дел од ова жири. Убаво е да се слушнат овие натпреварувачи, бидејќи станува збор за луѓе кои навистина знаат да пеат. Од различни причини не изградиле големи кариери, но мислам дека ова е одлична можност да слушнеме извонредни пејачи и убави песни, а воедно и малку да се дружиме надвор од сцената“, рече пејачката.
