Иако јавноста најчесто ја препознава како едно од најпознатите телевизиски лица во регионот, Николина Пишек има диплома од престижен загрепски факултет која нема никаква врска со новинарството.
Николина со години привлекува внимание во медиумите со својот изглед, модни избори и водителски ангажмани. Но зад камерите и рефлекторите се наоѓа високообразована жена која може да се пофали со диплома која бара исклучителна креативност, прецизност и долгогодишен труд.
Николина е родена и порасната во Загреб, каде што завршила основно училиште и средна јазична гимназија. Кога дошло време за избор на животна професија, нејзините интереси биле насочени кон уметност и естетика. Се запишала на Архитектонскиот факултет на Универзитетот во Загреб, каде што завршила дизајн.
Пишек своевремено открила дека за време на студиите по дизајн на Архитектонскиот факултет била вознемирувана од еден професор, кој ѝ упатувал непримерни предлози.
Зошто никогаш не работела во струката?
Иако има звање со кое можела да дизајнира ентериери, животниот пат ја однел во сосема друга насока. Својата професионална кариера Николина ја започнала во емисијата „Glamour Café“ на HRT, а по укинувањето на емисијата ја водела и емисијата „Shpitza“ со колегата Марио Петрековиќ.
Таа самата во неколку наврати истакнала дека дизајнот ѝ е голема љубов, но дека работата во медиумите ѝ понудила динамика на која не можела да одолее, пишува Стори.хр.
