Пејачката Шер најмила агенти да ѝ го киднапираат синот за да не се смири со снаата.
77-годишната пејачка Шер е обвинета дека го киднапирала својот син Елајџа од хотел, пренесува Дејли меил.
Уметницата ангажирала четворица агенти кои го киднапирале Елајџа од хотелот. Во тој период музичарот се обидувал да се помири со поранешната сопруга Маријаџела на годишнината од бракот. Сепак, снаата на Шер станала свесна за планот на Шер и покренала тужба четири дена откако нејзиниот поранешен сопруг исчезнал.
„На 30 ноември 2022 година, ноќта на нашата годишнина од бракот, четворица мажи упаднаа во нашата хотелска соба и го изведоа Елајџа надвор. Еден од мажите ми кажа дека мајката на Елајџа ги ангажирала“, вели Маријанџела.
По киднапирањето, синот на Шер се преселил во хотел во Лос Анџелес, каде вработените редовно поднесувале жалби за неговото несоодветно однесување поради интоксикација со дрога. Како резултат на тоа, Елајџа бил префрлен на клиника за рехабилитација.
„Речиси секој ден Елајџа го гледаа пред хотелот: тој седеше на тротоарот и пушеше. Излегуваше со цигара, а кога ќе завршеше со пушење, ќе загубеше свест. Изгледаше ослабено, како скитник бездомник“, изјавил инсајдер за Дејли Меил.
