Сеул: Пјонгјанг лансираше четири балистички ракети со краток дострел во правец на Жолтото Море.
Уште едно лансирање ракети од Северна Кореја. Јужнокорејската новинска агенција Јонхап, повикувајќи се на вооружените сили на Сеул, објави дека се лансирани четири балистички ракети со краток дострел во правец на Жолтото Море.
Ракетите поминале на растојание од 130 километри, со максимална висина од околу 20 километри, според првичните информации од Генералштабот на Сеул.
Ракетите беа лансирани од провинцијата Северен Пјонгјанг, помеѓу 11.32 (5.32 по македонско време) и 11.59 часот.
Овие нови лансирања се надополнуваат на шесте проектили лансирани во четвртокот, вклучително и најмалку еден ICBM.
