Актерката Селма Блер со јавноста ги сподели деталите за борбата со тешката болест, откако пред неколку години ѝ била дијагностицирана мултиплекс склероза, што целосно ѝ го променила животот.
„Само сакам да им помогнам на другите да се чувствуваат подобро“, вели таа во филмот, кој во моментов се прикажува и во кој се гледаат потешкотиите во движењето и говорот со кои се соочува актерката.
View this post on Instagram
Имено, „Introducing Selma Blair“ е документарен филм кој се фокусира на нејзината борба и третман, како и прилагодување на животот со болеста за да им помогне на оние кои се наоѓаат во слична или иста ситуација како неа.
Режисерката Рејчел Флејт, прикажува како актерката поминува низ третман со матични клетки, што е ветувачко за нејзината состојба, но сепак има тешки последици за телото. Селма има модринки на лицето, трпи болки, а во исто време зборува за чувствата на страв и смртност, и во ниту еден момент не го губи својот оптимизам.
View this post on Instagram
Била дијагностицирана со мултиплекс склероза во 2018 година, а потоа за првпат се појави во јавноста на Оскарите во 2019 година. По доделувањето на наградата во Лос Анџелес, актерката пристигна на црвениот тепих на забавата на „Vanity Fair“ како една од главните sвезди, што било многу емотивно за неа во тоа време.
„Ми требаше многу време да се појавам тука“, рече тогаш и почна да плаче, а насобраните ја поддржаа и ја поздравија со аплауз.
View this post on Instagram
Актерката тогаш одеше по црвениот тепих со помош на стапче, за полесно да се движи. Но, ниту болеста со која се бори не ја спречи во кариерата, Селма Блер ја снимаше серијата „Another Life“ и неколку други филмови.
