Откако беше вратена од белградскиот аеродром на 22 јануари, бидејќи официјално ѝ беше забранет влез во Србија, по налог на поранешниот директор на БИА, Александар Вулин, фолкерката Селма Бајрами не престана да се огласува на социјалните мрежи. Меѓутоа, сега таа се одлучи на многу чуден потег.
Имено, таа го „заклучила“ својот Инстаграм профил, па оние кои не ја следат не можат да ѝ пишуваат или да ги видат нејзините објави. Сепак, на пејачката не и е баш гајле што го изгубила „големото парче торта“, бидејќи во Србија многу настапувала и затоа заработувала многу пари.
Овојпат таа напиша на Инстаграм дека национализмот е тема за луѓе кои заработуваат 300 евра месечно.
Во екот на скандалот, да потсетиме, Селма порачуваше „да цркнат душманите“, а на мрежите прикачи видео од Белград чиј датум не е познат, а потоа го прозва и Новак Ѓоковиќ дека поминува време со пејачката од Приштина, Рита Ора.
„Национализмот е тема за оние со месечни примања до 300 евра. Ним им се сервира таа приказна. Кога платата ќе надмине 500 евра, тогаш почнува муабетот за гардероба и кафулиња. Кога ќе надмине 1.000, тогаш топ тема е здравата исхрана, летни одмори и зимувања, а кога ќе се искачи на повеќе од 3.000, тогаш престанува цело “паламудење“. Луѓето тогаш зборуваат за временска прогноза и за љубов – ги сподели Селма некогашните зборови на Рамбо Амадеус на Инстаграм.
