Младиот учесник во „Ѕвезде Гранда“, Мујо Хоџиќ, почина вчера на 26-годишна возраст, а како што дознава Гранд, пејачот се обесил.
Извор близок на сега починатиот пејач за Гранд-портал открил дека Мујо некое време бил во исклучително лоша психичка состојба.
Според изворот, тој ден бил со родителите, а потоа само излегол и го направил тоа.
– Тој ден беше со родителите и само излезе и за жал го направи тоа. Тој отишол во доградбата во дворот на неговите родители и се обесил. Жал ми, тој беше одлично момче и крајно искрен колега – изјавил изворот за Гранд.
Инаку, Мујо во 2019 година на својот фејсбук-профил објави дека срцето му е скршено, а потоа со своите следбеници го сподели текст од песната на Шабан Шаулиќ.
„Некогаш беше мило мое, некогаш беше, но сега не. Срцето веќе нема сила, љубовта умира… – порача Мујо во февруари, а истата година по шест месеци објави дека е во врска со Лејла со која до денес уживаше во љубовта. Веста дека нашол сродна душа ги израдува неговите бројни пријатели и следбеници на социјалните мрежи.
Трагедијата што се случи вчера во семејната куќа на Хоџиќ ја зави младата Лејла во црно. Таа се огласи на социјалните мрежи со шокантни зборови.
– Ме напушти душата моја, се мое на светот – напиша неутешната Лејла.
Мујо Хоџиќ ќе биде погребан на 11 април, како што семејството ги информира пријателите и колегите.
