Сања Маринковиќ, за време на гостување во една телевизиска емисија, откри како некогаш, непосредно пред патување во Њујорк, поради исцрпеност се онесвестила и доживеала сериозна незгода.
Таа раскажа дека при падот ја удрила главата во мијалникот и се онесвестила во бањата, при што телото ѝ ги блокирало вратите. Поради тоа, нејзиниот тогашен партнер со голема мака успеал да ѝ притрча на помош.
Морала да интервенира и Итната медицинска помош.
„Имав резервирано авион за Њујорк, требаше да одам таму за да ја дочекам Новата година со моето момче. Среде ноќ, некаде околу три часот, ме разбуди страшна болка во главата. Станав, но од премор се онесвестив. Авионот ми беше во шест наутро. Паднав и ја удрив главата во мијалникот. Бидејќи се онесвестив, ги блокирав вратите од бањата и мојот дечко не можеше да ги отвори“, раскажа Сања во емисијата „Из профила“.
И покрај сè, таа на крајот заминала на патувањето, но со три хируршки штипки на челото.
Така, со повреда на главата, Сања ја дочекала Новата година.
