Српската пејачка Сара Јовановиќ, попозната како Сара Јо, го прослави својот 33-ти роденден во кругот на своите најблиски пријатели, а на прославата беше присутен и нејзиниот партнер, актерот Алексеј Бјелогрлиќ, кој ја изненади со голема торта. Бјелогрлиќ ѝ донесе торта на два спрата, а пејачката беше насмеана цела вечер.
View this post on Instagram
Сара Јо е родена на 29 октомври 1993 година, а Алексеј Бјелогрлиќ, син на актерот и продуцент Драган Бјелогрлиќ, е роден на 30 април 2000 година, така што има малку повеќе од шест години разлика меѓу нив.
Приказните за нивната врска започнаа во мај, кога беа снимени заедно во еден бар во Белград. Пред тоа, пејачката беше во повеќегодишна врска со словенечкиот танчар и кореограф Жиг Сотлар, со кого се забавуваше од ноември 2021 година.
Кон крајот на јуни, Сара ја објави првата заедничка фотографија со Бјелогрлиќ на Инстаграм, селфи од плажа, и оттогаш двојката не ја крие својата врска.
