Популарната поп-пејачка Александра Радовиќ во својата шеста деценија секогаш воодушевува со својата беспрекорна фигура и младолик изглед. Иако низ годините ретко го менуваше својот препознатлив стил, таа искрено откри како успеала да се ослободи од 10 килограми вишок преку едноставни и одржливи навики:
„Имам избалансирана исхрана, внимавам на внесот на леб, брашно и тесто. Слатко сакам, но не јадам постојано, туку само кога навистина ќе посакам“, раскажа Александра.
Нејзиното дневен мени е едноставно, почеток на денот со житарици и јогурт, ручек базиран на пилешко и спанаќ, додека вечерта е резервирана за салата. Покрај исхраната, пејачката нагласува дека секојдневното вежбање е клучниот фактор за добар тонус и енергија:
„Секое утро одам на тренинг и тоа им го препорачувам на сите жени. За да губите на тежина, најважна е секојдневната физичка активност — брзо одење на лента, чучњеви, скокање со јаже и стомачни вежби.“
Освен за фитнес навиките, Александра има многу јасен и остар став кога станува збор за естетските корекции и трендот на совршенство на социјалните мрежи:
„Не сакам да изгледам како мојата ќерка. Не сакам да бидам пластична. Не е нормално жена на 50 години да нема ниту една брчка. Треба да се помириме со процесот на стареење и достоинствено да ги носиме годините“, порача музичката ѕвезда.
