Македонската водителка Живкица Каленикова деновиве престојува во Њујорк, каде што ужива во есенската атмосфера заедно со својот сопруг Зоран.
Дел од патувањето таа го сподели со своите следбеници на Инстаграм, објавувајќи видео составено од фотографии направени на различни локации во американската метропола.
„Есен во Њујорк“, напиша кратко Каленикова во описот на објавата.
View this post on Instagram
На фотографиите може да се забележат импресивните облакодери, градските улици и прекрасните зајдисонца што ја дополнуваат есенската атмосфера во Њујорк.
Водителката сподели и моменти од дружењето со својата пријателка Дијана, како и фотографии од посета на ресторан. На дел од нив позира во елегантен црн фустан, избран за вечерно излегување.
Живкица и нејзиниот сопруг Зоран се родители на три деца, Даријан, Марко и Ана.
