Денеска почина фронтменот на популарната југословенска рок група Алиса, Мирослав Живановиќ Пиле.
Тапанарот на бендот Предраг Пеѓа Цветковиќ ја сподели веста за неговата смрт на својот Фејсбук профил, а малку подоцна истата порака беше објавена и на официјалната Фејсбук страница на бендот.
Драги пријатели, со голема тага ве известувам дека денеска почина мојот пријател, брат и водач на нашиот бенд „Алиса“, Мирослав Живановиќ – Пиле. Почивај во мир пријателе со твојот ангелски глас, достоен за небесниот свод “, напиша Цветковиќ.
Според српските медиуми, причината за смртта сè уште е непозната.
