„Напаѓачот пристигнал еден ден пред настанот на кој писателот требало да зборува во институцијата Чаутаука – рече окружниот обвинител Џејсон Шмит – и се претставил со лажен документ за идентификација“.
Напаѓачот на Салман Ружди пристигнал еден ден пред настанот на кој писателот требало да присуствува во институцијата Чаутаука и се претставил со лажна лична карта. Окружниот обвинител Џејсон Шмит го изјави ова, објаснувајќи зошто истражителите веруваат дека нападот бил „целен и со предумисла“. Обвинителот не прецизираше но веројатно е дека лажниот документ пронајден кај Хади Матар е возачката дозвола на име на „маченик“ на Хезболах, пренесува раињуз.
Инаку, Матар се изјасни за невин за обид за убиство и напад пред судот во Њујорк. Судијата донесе одлука за апсење без кауција.
Обвинителот објасни дека Салман Ружди бил „прободен три пати на десната страна од предниот дел на вратот, четири пати во стомакот, еднаш во десното око, еднаш во градите и еднаш во десната бутина. Затоа имало десет убодни рани“.
Во меѓувреме, здравствената состојба на писателот се подобрува. Според Би-Би-Си, Ружди е исклучен од респираторот и сега може повторно да зборува. Веста ја потврди и агентот на Ружди, Ендрју Вајли.
Salman Rushdie’s injuries in the attack include multiple stab wounds to his neck and stomach, and a puncture wound to his right eye, prosecutor says.https://t.co/Va6gaHbqOI
— CNN Breaking News (@cnnbrk) August 13, 2022
