Родителите на Кејт Мидлтон, Керол и Мајкл Френсис банкротираа и им должат на доверителите над 330 илјади долари, пренесува Тајмс.
Семејството на принцезата од Велс имаа личен бизнис, компанијата Party Pieces, но падот на бизнисот се почувствувал за време на коронакризата, а сега сосема пропаднал.
„Керол е очајна да ја натера Кетрин целосно да се фокусира на нејзиното закрепнување. Ова е многу загрижувачки период за семејството, но тие не очекуваат помош од нивните деца. Тие не сакаат нивните деца да се грижат. Кетрин отсекогаш била блиска со своите родители – тие постојано се во контакт. Но, сега секој разговор за бизнис веднаш се прекинува, бидејќи Кејт треба да се фокусира на своето здравје“, рече инсајдер за Тајмс.
Kate Middleton’s mom ‘desperately’ trying to shield princess from family’s $300K business debt https://t.co/lMxuLqzyN2
— Page Six (@PageSix) April 4, 2024
Изворот за Тајмс додаде дека мајката на Кејт Мидлтон не можела да ги покрие сите трошоци за надоместување на долгот и дека семејството се соочува со финансиска криза.
На 22 март, Кејт Мидлтон објави дека моментално минува низ раните фази на превентивна хемотерапија. Принцезата рече дека ракот бил откриен за време на тестовите направени по абдоминална операција. Подоцна, кралот на Велика Британија призна дека е горд на храброста на принцезата.
