„Роботот-уметник“ наречен Аи-Да им порача на британските пратеници дека може да создава уметност и покрај тоа што е вештачко суштество, додека зборуваше на парламентарна дебата за тоа како новите технологии ќе влијаат врз креативната индустрија.
Опишана како „првиот ултра-реалистичен хуманоиден робот-уметник во светот“, Аи-Да се појави во една од просториите на парламентот, облечена во комбинезон од тексас и со црна перика на главата.
Со женско хуманоидно лице и откриени роботски раце, Аи-Да беше создадена од научници од Универзитетот Оксфорд и именувана по британската математичарка и пионер во компјутерската наука, Ада Лавлејс. Таа одговараше на прашања заедно со шефот на проектот „Аи-Да“ и директор на уметничката галерија Ејдан Мелер во телевизиска секвенца чии домаќини беа Домот на лордовите и Дигиталниот одбор.
“Јас сум и зависам од компјутерските програми и алгоритми. Иако не сум жива, создавам уметност”, изјави Аи-Да на прашањето по што нејзините дела се разликуваат од оние што ги создаваат луѓето. Аи-Да има создадено серија уметнички дела, вклучувајќи ја и сликата на покојната кралица Елизабета, кои беа прикажани на изложби и во галерии.
Хуманоидниот робот заедно со други експерти и професори од уметничката индустрија, му ги претставија на одборот ефектите на технологијата врз работниците во креативната индустрија. Потоа беше поставено прашањето како Аи-Да слика, а таа одговори дека кога слика на платно во тоа ѝ помагаат алгоритмите Ал, камерата во нејзините очи и роботските раце.
Аи-Да, исто така, објасни дека „анализата на голем дел од текстот“ за идентификација на заедничката содржина и поетските структури ѝ овозможиле да пишува нови песни. „Разликата со човекот е во свеста; немам субјективни искуства, иако можам да зборувам за нив“, рече Аи-Да.
