Хрватскиот музичар Дарко Рундек ретко споделува детали од приватниот живот, но овој пат направи исклучок: на „Фејсбук“ објави видео-снимка на која се појавува неговиот син – младиот човек со дури шест имиња.
Рундек и неговата партнерка, режисерката и активистка за заштита на природата Санда Хржиќ, имаат 34-годишен син, кому му го дале името Давид Вид Димитриј Себастијан Ернест Виктор.
Семејството живее на три различни адреси: во Париз, Загреб и Павља на островот Брач, каде што поминуваат значителен дел од годината. Токму во Далмација активно учествуваат во пермакултурната заедница и локални еколошки иницијативи.
Во видеото кое Рундек го сподели, неговиот син танцува на музика, покажувајќи ја својата неформална, разиграна природа.
Давид Вид, како што стои во текстот, го наследил авантуристичкиот и уметнички дух на својот татко. Голем љубител е на патувањата, а во 2016 година го реализирал својот најголем подвиг – го препловил Атлантскиот океан.
Рундек секогаш отворено ја поддржувал неговата љубопитност и желба за нови искуства.
„Не нè праша за дозвола. А мене мојот татко ми рече: ‘Научи занает, а потоа биди свој.’ Тој го научи својот занает и ја исполни последната обврска кон нас. Научи сѐ и сешто – работа со метал, пермакултура, готвење, музика, жонглирање… патува и учи. Кога ќе се чуеме, прво ми кажува што ново научил“, изјави Рундек во една претходна прилика.
