Ренди Мајснер, басистот и основач на Eagles, почина на 78-годишна возраст, објави бендот. Мајснер почина во средата во Лос Анџелес од компликации од хронична опструктивна белодробна болест.
Дон Фелдер, поранешен колега од бендот, го нарече Мајснер „најдобриот човек во музичкиот бизнис“. Тој го формираше бендот со Дон Хенли, Глен Фреј и Берни Лидон.
„Ренди беше составен дел од Eagles и клуч за раниот успех на бендот“. Неговиот вокален опсег беше неверојатен, што може да се види на препознатливата балада Take It to the Limit“, објавија членовите на бендот.
Мајснер беше во бендот за време на снимањето на некои од најпопуларните песни и албуми, завршувајќи со албумот Hotel California во 1976 година.
Потоа го напушти бендот поради болест и носталгија, а после тоа никогаш не ја постигна истата популарност како соло изведувач, и покрај хитовите Hearts on Fire и Deep Inside My Heart.
