Со војната, популарноста на Путин вртоглаво расте во Русија!
Истражувањето го спроведе независниот истражувачки институт Левада центар, класифициран од руските власти како „странски агент“. 69% од Русите сметаат дека Москва оди во вистинска насока, во однос на процентот од 52% во февруари. Односно, стапка на одобрување на дејствијата на путин е на неверојатни 83%.
Рејтингот на Русите за Владимир Путин буквално вртоглаво порасна по војната во Украина, скокајќи на 83%, од 71% во февруари, на највисоките нивоа во последните години. Ова го потврдува истражувањето, неодамна објавено, на независниот истражувачки институт Левада центар, кој руските власти го класифицираат како „странски агент“.
😵💫After the beginning of a full-scale russian invasion of Ukraine, russian support for putin’s actions has risen to 83% – the results of a poll by the Levada Center. pic.twitter.com/ncXfxFOWoo
— Ukraine 4 Freedom (@uawarinfo) March 30, 2022
69% од Русите веруваат дека Москва оди во вистинска насока со таканаречената „специјална воена операција“ во соседната земја. Во февруари, оние кои веруваа дека земјата се движи во вистинска насока беа 52%, а во јануари 50%.
Неколку експерти, подвлекува Волстрит журнал кој ги известува резултатите, повикуваат на претпазливост за веродостојноста на анкетите во Русија во време кога се забранети главните независни медиуми, а со тоа и населението – особено она кое е оддалеченено од урбаните центри Москва и Санкт Петербург – за војната се информираат само од државните медиуми. Стравот од искажување мислења спротивно на она што го очекуваат властите, исто така, може да влијае на резултатот. Сепак, резултатот останува значаен, бидејќи истражувањето е спроведено од авторитетен статистички центар кој не е контролиран од државата.
Рејтингот на Путин во последниве години се движеше помеѓу 60 и 70 отсто, според центарот Левада, кој го следи рејтингот на рускиот лидер откако тој стана премиер во 1999 година.
„Гледаме дека општеството е поделено меѓу мнозинството кое наголемо ја поддржува војната и малцинството што е против неа“, рече Сергеј Белановски, социолог со кој разговараше „Гардијан“. „Овие две групи живеат во различни светови и не можат да се убедат меѓусебно дека нивната гледна точка е вистинската“. Социологот, исто така, ја доведува во прашање логиката на анкетирање на јавното мислење во земја каде што информациите за војната внимателно се филтрираат на државната телевизија. „Државната пропаганда функционира – таа е исклучително ефикасна во она што го прави, прикажувајќи ги настаните како специјална воена операција против украинските нацисти“, додава тој.
В марте значительно выросло одобрение основных государственных институтов: деятельность президента одобряют 83%. Рейтинг “ЕР” достиг 54%, показатели других партий существенно не изменились. Уровень доверия Владимиру Путину вырос на 10 п.п. и достиг 44%.
https://t.co/qWLq0TQFHi pic.twitter.com/Jfzxv64qZJ— Левада-Центр (@levada_ru) March 30, 2022
Од посебно значење е фактот дека во 2014 година, кога Русија го освои Крим и го поттикна бунтот на сепаратистите од Донбас, имаше сличен скок во поддршката на Путин, која од 69% се искачи на 83%.
