Нашиот тим започна убава соработка со една врвна готвачка која секое јадење го претвара во магија од вкусови – Теодора Георгиевска.
Оваа извонредна мајсторка и една од највлијателните готвачки на социјалните мрежи кај нас, стои зад бројните рецепти кои ги објавува на профилот „Готвиме со Теа“ – „gotvime.so.tea“.
Теа денес ни направи француско традиционално јадење – рататуј! Покрај тоа што е многу декоративно, поради тоа што содржи многу зеленчуци, ова јадење е многу здраво и вкусно, вели Теа.
View this post on Instagram
Потребни состојки:
- 1 модар домат
- 1 зелена тиквица
- 1 жолта тиквица
- 2 до 3 црвени домати
- 1 главица кромид
- 150 мл доматно пире
- 2 чешниња лук
- сол и црн бибер
- масло за јадење
Начин на подготовка
Кромидот и лукчето исецкајте ги ситно и ставете ги да се пржат на загреано масло некоја минута. Потоа додате го доматното пире и зачинете. Доматното пире ставете го како подлога во тавчето за печење. Исецкајте ги сите зеленчуци на крукчиња, а потоа наредете ги најизменично врз доматното пире. Посолете и наросете мелен црн бибер, покријте го тавчето со фолија и печете на 250 степени 30 минути. На крај извадете ја фолијата и печете уште 10 минути за да фатат коричка зеленчуците.
На здравје!
