Најгледаното видео на сите времиња „Despacito“ продолжува да бележи нови успеси во историјата на „YouTube“.
Имено, песната за четири години собра повеќе од седум милијарди и петстотини милиони прегледи, а вкупното население на светот се проценува на седум милијарди и деветстотини милиони луѓе.
Пејачите Луис Фонси и Деди Јенки ја објавија песната „Despacito“ во 2017 година и таа стана планетарен хит уште истата година. Сепак, популарноста на оваа песна се чини како да не поминува.
Песната на шпански јазик на 24 февруари стана првото видео на оваа платформа со шест милијарди прегледи. „Despacito“ доби 25,7 милиони прегледи за еден ден, иако тој број оттогаш се врати во просек на 2,8 милиони прегледи на ден.
„Despacito“ на шпански јазик значи „полека“, но се чини дека Фонси и Јенки брзо остварија огромна заработка и популарност благодарение на најголемиот хит во нивната кариера.
