Идејата на новоотворената интернет мултибренд продавница е да понуди поразличен концепт од оној кој е присутен до сега на пазарот. Не станува збор за „звучни“ имиња, туку за брендови кои се доста популарни низ Европа, пред сé поради фактот што произведуваат облека која е исклучиво од органски материјали, обрнуваат особено внимание каде таа облека се произведува (фабрики во кои работниците работат во соодветни услови и се платени соодветно) и процесите кои се користат при производството (за минимално загадување на природата).
Дизајнот на оваа облека е исто така поразличен од она што моментално е достапно – многу од моделите се унисекс, со дизајн и принт соодветен и за момчиња и за девојчиња. Но, она што е најважно при одлуката за избор на брендови е високиот квалитет кој сите тие го нудат и усогласеноста со детските потреби и темперамент. Овие брендови не произведуваат големи колекции, се работи на помалку парчиња, на кои се посветува големо внимание и кои креираат посебна детска приказна секоја сезона.
Филозофијата на брендовите кои може да се најдат на „Кидс Тудеј“ (Kids Today) е одалечување од брзата мода и конзумеризмот и доближување до детскиот свет кој е едноставен, полн со фантазија и прекрасен.
Неодамна ја отворивте интернет продавницата „Kids Today“ која нуди асортиман на внимателно одбрани облека и обувки за деца. Какви се денешните деца во однос на модата, и од друга страна, на што родителитете треба да посветат внимание денес кога купуваат облека за нивните деца?
– Детската мода зема сé поголем замав, бројот на брендови кои нудат детска облека и обувки станува сé поголем, а со тоа и изборот се зголемува. Како и во модната индустрија за возрасни, брзата мода (fast fashion) е присутна и кај децата, постојат доста брзо минливи трендови и облека која изгледа атрактивно, но не секогаш е удобна. Денешните деца, без разлика каде сé имаат потреба од удобност, но заслужуваат и квалитет. Токму тоа е и она на што родителите најмногу треба да посветуваат внимание – облеката да е функционална, да одговара на детските потреби, но да биде и квалитетна.
Која е предноста на облеката направена од органски материјали и каква е свесноста на нашиот пазар за побарувачка на ваква облека?
– Облеката која се продава на „Kids Today“ е направена од сертифицирани органски материјали (ГОТС сертификат), најмногу органски памук и Lyocell. За боење се користат бои со најнизок процент на хемикалии. Токму затоа, таа е искучително удобна, пријатна за носење во секоја сезона, а во исто време и издржлива. Сметам дека кај нас свесноста за производи од органско потекло полека, но сигурно расте, и многумина ќе ги препознаат предностите на живеењето со поглема грижа за природата и за природните ресурси.
Периодот на коронавирусот беше своевиден тест и за одржливоста на онлајн пазарот и проверување на неговата безбедност при купување. Се навикнавме ли да купуваме онлајн, каде ги наоѓаме предностите во купувањето преку екранот?
– Онлајн купувањето во земјава од година во година бележи раст, токму поради големиот број предности – купување од удобноста на сопствениот дом, или било која друга локација, огромна заштеда на време, повеќе брендови на едно место, едноставно плаќање. Морам да нагласам дека безбедноста на плаќањето и корисничката поддршка се едни од најважните елементи во овој бизнис, па затоа и овој сајт нуди највисоко ниво на безбедност и 24 часовна поддршка за купувачите.
